الحمد لله والصلاة والسلام على رسول الله وعلى آله وصحبه أجمعين.
ޒަކާތް ވާޖިބުވުމުގެ ޙިކްމަތް:
- މުދާ ޠާހިރުކޮށް އިތުރު ކުރުވުމާއި، މުދަލަށް ބަރަކާތް ލިބުމާއި، އާފާތްތަކުން މުދާ ސަލާމަތް ކުރުން.
- ޒަކާތް ދޭމީހާ ދަހިވެތިކަމުގެ ސިފައިން ޠާހިރު ކުރުވުން. އަދި އެމީހާގެ ފާފަ ފުއްސެވުމާއި، ﷲގެ މަގުގައި ހޭދަކުރުމަށް އާދަކުރުވުން.
- ފަޤީރުންނާއި، ފުދުންތެރިކަން ނެތްމީހުންގެ ޙާޖަތްތައް ފުއްދައިދިނުން.
- މުޖްތަމަޢުގެ ފަރުދުންގެ މެދުގައި އެއްބައިވަންތަކަމާއި ލޯބި އުފެއްދުން.
ޒަކާތް ވާޖިބުވަނީ ކޮންބައެއްގެ މައްޗަށް؟
ތިރީގައި ބަޔާންކުރެވޭ ޝަރުޠުތައް ފުރިހަމަވާ މީހުންގެ މައްޗަށް ޒަކާތްދިނުން ވާޖިބުވެގެންވެއެވެ.
- މުސްލިމަކު ކަމުގައިވުން: ކާފިރެއްގެ މައްޗަށް، ޒަކާތް ވާޖިބުވެގެން ނުވެއެވެ. އެހެނީ، ޒަކާތަކީ މާތްﷲގެ ޙަޟްރަތަށް ކުއްތަންވުމުގެ ގޮތުން ކުރެވޭ އަޅުކަމެކެވެ. އިސްލާމެއްގެ ފަރާތުން ނޫނީ އަޅުކަމެއް ޤަބޫލު ނުކުރެވޭނެއެވެ.
- މިނިވަނަކު ކަމުގައިވުން: އަޅުންގެ މައްޗަށް ޒަކާތްނެރުން ވާޖިބުވެގެންނުވެއެވެ. އެހެނީ އެމީހާއަކީ އަމިއްލަ މުދަލެއް ހުރި މީހެއްނޫނެވެ. އަދި އެމީހާއަކީ އެމީހާގެ ސާހިބުމީހާގެ މިލްކެކެވެ.
- ނިޞާބު ހަމަވުން:
- ނިޞާބުހަމަވެ، އަހަރު ހަމަވުން: މުދަލުގެ ވެރިމީހާގެ އަތުގައި މުދާ ހުރެ، ހަނދުމަހުން ފުރިހަމަ އެއްއަހަރުވުން. މިޝަރުޠަކީ ނަޢަމްސޫފިތަކާއި، ރަންރިހި އަދި ވިޔަފާރި މުދަލަށް ޚާއްޞަ ޝަރުޠެކެވެ.
=ނުނިމޭ=
____________________________________
مصدر: الفقه الميسر
