الحمد لله والصلاة والسلام على رسول الله وعلى آله وصحبه أجمعين.
ނަމާދުގައި ކުރުން މަކްރޫހަ ވެގެންވާ ކަންތައްތައް:
- ފުރަތަމަ ދެރަކްޢަތުގައި ސޫރަތުލް ފާތިޙާގެ އިތުރަށް ނުކިޔެވުން.
- ތަކުރާރުކޮށް ސުރަތުލް ފާތިޙާ ކިޔެވުން.
- ޙާޖަތެއްނެތި ވަށއިގެން ހޯދުން.
- ނަމާދަށް ހުންނައިރު ލޯމަރައިގެން ހުރުން.
- ސަޖިދައިގައި އޮންނައިރު އަތްދަނޑި ބިންމަތީގައި ބާއްވައިގެން އޮތުން.
- ނަމާދަށް ހުންނައިރު ބޭކާރު ޙަރަކާތްތައް ކުރުން.
- ނަމާދަށް ހުންނައިރު އުނަގަނޑުގައި އަތް ވިއްދައިގެން ހުރުން.
- ނަމާދުގެ އެއްޙަރަކާތުން އަނެއް ޙަރަކާތައް ނަޤުލުވާއިރު އިމާމާއަށްވުރެ ކުރިއަރައި ދިޔުން.
- އިނގިލިތައް ތަޝްބީކު ކުރުން.
- ނަމާދަށް ހުންނައިރު މައްޗަށް ބެލުން.
ނަމާދު އަޅާމީހާގެ ޙުކުމް:
ނަމާދުގެ ވާޖިބުކަމާއިމެދު ދެކޮޅުވެރިވެ، ނަމާދަ އަޅައިފިމީހާ ކާފިރުވާނެ ކަމާއިމެދު ހުރިހާ މުސްލިމުން އިޖްމާޢުވެއެވެ. އަދި ކަންނެތްކަމާއި ފަރުވާކުޑަ ކަމާއެކު ނަމާދުތައް އެއްކޮށް ދޫކޮއްލައިފިއްޔާވެސް އެފަދަމީހަކު ކާފިރު ވާނެއެވެ.
ސުންނަތް ނަމާދުތައް:
ސުންނަތް ނަމާދުތަކަކީ ޖިހާދު ކުރުމާއި، ދީނީ ޢިލްމު ޙާޞިލުކުރުން ފިޔަވައި ދެންއޮތް އެންމެ މަތިވެރި އަޅުކަމެވެ. އަދި އެއަޅުކަމެއް ކުރެއްވުމުގައި މާތް ނަބިއްޔާ ސައްލަﷲ ޢަލައިހި ވަސައްލަމް އެންމެ ބޮޑަށް ދެމިހުންނެވި އަޅުކަންވެސްމެއެވެ.
ސުންނަތް ނަމާދު ބެހިގެންވާ ބައިތައް:
- ވަކި ވަގުތުތަކެއްގައި ކުރުމަށް ޚާއްޞަވެގެންވާ ސުންނަތްތައް.
- ކުރުމަށް ވަކި ޚާއްޞަ ވަގުތެއްނެތް ނަމާދުތައް.
ސުންނަތް ނަމާދުތަކުގެ ތެރެއިން ތަރާވީޙް ނަމާދާއި، އިސްތިސްޤާ ނަމާދާއި، ކޭތަ ނަމާދު ޖަމާޢަތުގައި ކުރުން ސުންނަތް ވެގެންވެއެވެ.
=ނުނިމޭ=
____________________________________
مصدر: الفقه الميسر
